قصة فتاه اتظلمت من اهل زوجها ظلم شديد
تقول الفتاه
انا اتزوجت من 14 سنه ومكنش مكتوب ليا انى اخلف وكنت صبره بقضاء الله وقدره
سلفتى اللى اتجوزت بعدى ب 3 سنين خلفت .. ربنا رزقها من اول ما اتجوزت ووالله العظيم فرحتلها وعمرى مكنت حسوده او حقوده علي نعمه او خير في ايد غيرى
سلفتي وحماتي وأخوات جوزى البنات كانو بيقولوا ليا ياارض بور 😥 في وشي كده بدون اي استحياء ولا اي مراعاتا لمشاعرى
وكانو بيقولولي انتى هنا خدامه لينا مش عاجبك يلا فى ستين داهيه من هنا مكنش ليا حد خااااااالص كنت اقول حاضر واسكت وصبره علي كل اللي بيتعمل فيا أتهنت كتير واتبهدلت منهم كتير والله العظيم واستحملت وعيشت معاهم
كانت حماتى تقولى مقدرش ازعل سلفتك اصل هي اللى جابت الولد ال هيشيل اسم العيله والله وبالله العظيم كانت سلفتى ومحدش معنا تقولى ياخدامه يا أرض بور يافقر
كنت ادخل شقتي واقفل علي نفسي وافضل ابكي واعيط لوحدي ومحدش حاسس بالنار اللي في قلبي
المهم جالي دور برد شديد ومغص خافوا منى اوى اوي وقالوا كرونا الكلام ده من اول فبراير 2020
قالوا ليا خليكي في شقتك لغاية لما تموتى وتريحينا منك
قعدت شهر تعبانه بموت بموت بمعني الكلمه من الخوف والرعب واقنعوني اني مصابه بالكرونا لحد ما جالي هوس فعلن اني مصابه بالكرونا من كتر كلامهم وانا اصلا معملتش التحاليل بتاعت كرونا
وبعد فتره كده جوزى اخدنى علي مستشفي اسمها القصر العينى كشفو عليا باطنه
حولوني علي امراض النسا وكشفو عليا قالوا ليا اني حامل فى الشهر الرابع والله العظيم جوزى مكنش مصدق وكان بيعيط من كتر الفرح ويقول ليهم عيدوو الكشف تانى
وروحنا بالفعل كشفنا فى عياده خاصه الدكتور قال ليا مبروك حامل فى 3 توأم والله 3 مره واحده سبحان الله
وصلت البيت اول لما قلت ليهم اني حامل كلهم كذبونى وقالوا مستحيل 😥 المهم ربنا كرمني اخر كرم وولدت
وربنا ادانى أياد و ادهم ومالك
وبعد ما ولدت محدش راضى يطلع ليا ولا يشيل معايا العيال والله وسلفتى بتدعى عليهم في وشي وحتى حماتي احط في حجرها العيل تكشر وتلوي بوزها
معلش طولت عليكم بس كان نفسى افضفض مع حد وأحس انو فرحان ليا والله كان نفسي يبقي ليا اخوات يفرحو بعيالي ويشيلوهم معاي وكانو وقفو معاي في وقت محنتي بس الحمد لله ربنا كبيرررر كبير اوي فوق ما حد يتخيل عوضني بثلاث أطفال زي القمر هيكونو في دنيتي هما أطفالي واخواتي واهلي كلهم ربنا يحفظهم ليا يارب ويرزق كل واحده ربنا لسه مكرمهاش بالخلفه الصالحه يارب
ربنا يستركم كلكم والله ربنا هيرضيكم يارب ويدى كل مشتاق بس الصبر اهم حاجة الصبر ..معلش طولت عليكو بس. كنت محتاجة افضفض ليكم واحكي قصتي لعلها تنفع اي شخص غيرى يكون محتاج للصبر والعزيمه ومييأسش ابدا ربنا ديما كريم بعباده ورحيم بينا وديما يعمل لينا الصالح
تعليقات
إرسال تعليق